“Биос” медицина орталығының дәрігерлерінің арқасында болған ғажайып жағдайлар

“Биос” медицина орталығының гемодиализ бөлімінде ем алып жатқан науқас дүниеге аман-есен нәресте әкелді. Емдеуден өткен тағы бір пациент жасанды бүйрек аппаратынан толығымен шығарылды.

Мария ФЛАГМАН
aktobetimes@list.ru

Егер бұл жағдайды нағыз ғажайыпқа теңемесек, онда мұны  кем дегенде, БИОС медицина орталығының қабырғасында болған ерекше медициналық жағдайлар қатарына толық қосуға болады.
Медицина орталығының гемодиализ бөлімінде ем алып жүрген науқас дүниеге аман-есен нәресте әкелді. – Науқас 2019 жылдың наурыз айында шұғыл көрсетілімдер бойынша бізге келіп, бүйректі толықтырушы терапиясына алынды, – дейді “Биос” медицина директоры, 1 – санатты нефролог-дәрігер Нұртас Бірманов. – Сол уақыттан бері бұл науқас бізден аптасына 3 рет 4 сағаттан бүйректі толықтырушы терапиясын алады. Науқас жүкті болғысы келді. Бұл кезде біз консилиум жинадық, емдеу әдістерін шештік. Әйел бұл баланы дүниеге алып келгісі келді және түсіктен үзілді-кесілді бас тартты. Барлық тәуекелдерді түсініп, ол саналы түрде осы қадамға барды. Барлық жауапкершілік екі жаққа жүктелді деп айтуға болады. Жақында ол қауіпсіз түрде босанды, нәресте АМО-дағы жаңа туған нәрестелердің реанимация бөлімінде, реаниматологтар, неонатологтар оған қамқорлық жасауда.
Бақытты ананың өзі “Биос” дәрігерлерін “екінші отбасым” деп атайды және оларға жүктілік кезінде көрсеткен көмегі, емі және қолдауы үшін алғыс айтады. Ол көптен күткен баланы қолына алуды асыға күтуде.
“Биос” ұжымы және “Ақтөбе Таймс” газетінің редакциясы шын жүректен жас ана мен сәбиге зор денсаулық тілейді!

Тағы бір ғажайып жағдай.

Алайда бұл жағдай медицина орталығының науқастары арасында сәтті босанудың алғашқы жағдайы емес. Бұрын Атырау қаласындағы “Биос” филиалында диализде жүрген келіншек те жүкті болып, аман-есен сәбиін дүниеге әкелді. Қазір анасы мен баласының жағдайы жақсы, – дейді дәрігерлер күлімсіреп.

“Мен сау боламын деп сендім»
Медицина орталығының тағы бір науқасы, 74 жастағы Галина Беглованың нық сенімі мен өмірге деген құштарлығына тек қызыға қарауға болады. Өйткені, өткен жылы қант диабетімен ауыратын егде жастағы әйелдің денсаулығы нашарлады. “Биосқа” ол бүйрек жеткіліксіздігі ауруымен келді.
“Өткен жылы ол бізге уремиялық интоксикациямен келді”, – дейді Нұртас Бірманов. – Бұл науқастың ұзақ уақыт бойы жоғары қан қысымы, 15 жыл бойы, 2005 жылдан бастап, қант диабеті бар. Бұл жағдай бүйрек жеткіліксіздігіне әкелді. Біз шұғыл түрде бүйректі толықтырушы терапиясын бастадық. Науқас оны 4 ай бойы алды. Тамыр хирургтары функционалды күретамыр-көктамырлық фистуланы құрастырып шағарды. Динамикада бүйректің функционалды қабілеті ішінара қалпына келді және жақсарған сайын біз оны диализден толығымен алып тастадық. Қазір ол ай сайын талдау жасайды, динамикада науқастың жағдайын бақылап отырамыз. 4 ай бойы ол бүйректі толықтыру терапиясын қабылдамайды, аппаратты қажет етпейді, өз істерімен алаңсыз айналысады.
-Мен таяқшасыз жүремін, – деп Галина Васильевна қуана қосады.
Галина Беглованың 8 немересі бар. Ал қазір ол Қызылордада тұратын өзінің алғашқы шөбересін көруге асық. Шөбересіне Сармат деп есімін қойған.
– Мен сау боламын деп сендім, – дейді Галина Беглова.
“Биос” медицина орталығының дәрігерлері Галина Васильевна дер кезінде көрсетілген сауатты медициналық көмек үшін, емделгені және оның үздік нәтижесі үшін үлкен алғыс білдіреді. Өйткені, науқасты жасанды бүйрек аппаратынан толығымен алып тастау-бұл науқастың өзі үшін ғана емес, дәрігерлер үшін де үлкен жетістік және үлкен қуаныш.
– Бізде осындай төрт науқас бар, – дейді Н. Бирманов. – Біз осылай ерте кезенде аурудың анықталуына, бүйрек толықтыру терапиясының уақтылы басталуына ұмтыламыз.

Жыл сайын науқастар саны артып келеді

Қазіргі уақытта “Биоста” 160-тан астам науқас бүйректі толықтыратын терапия алып жатыр. Жыл сайын олар көбейіп келеді,- дейді дәрігерлер.
– Бұл мәселе ауруханаға дейінгі деңгейде әлі де бар, – деп атап өтті Нұртас Бірманов. – Емханаларда жұмыс істейтін дәрігерлер артериялық гипертензия және қант диабеті бар бүйрек жеткіліксіздігі бар науқастарға тиісті көңіл бөлмейді деп айтуға болады. Олар бізге асқынған бүйректерімен келеді. Егер емханалар деңгейінде бүйрек патологиясы бар науқастарға көрсетілген сынақтар уақтылы жүргізілсе, онда емдеуді уақытында бастап, жағдайды нашарлатпауға болады.
Халықтың денсаулығына теріс әсер ететін жағдайларға келетін болсақ, мамандардың пікірінше, мұндай факторлар көп. Бұл экология, сонымен қатар әртүрлі химиямен өңделген қазіргі сапасыз өнімдер, стресс және тұқым қуалаушылық.
Ауруларды алдын алу үшін дәрігерлер барлығымызға өз денсаулығымызға жауапкершілікпен қарауды және емханалардағы скринингтерді назардан тыс қалдырмауды ұсынады.